Шымкентте сексуалды зорлыққа қатысты істі жабу үшін пара берген адвокат пен полиция қызметкері бостандықта жүр, деп хабарлайды Neonomad.kz ақпараттық агенттігі Tengrinews.kz сайтына сілтеме жасап.

ҚР Сыбайлас жемқорлыққа қарсы іс-қимыл Агенттігінің Шымкент қаласы бойынша департаментінің мәліметінше, өзара келісім жасап, істі жабу үшін адвокаттан 360 мың теңге көлемінде пара алмақ болған Абай аудандық полиция басқармасының тергеушісі 20 миллион теңгені кепілдікке қойып, уақытша босатылған.

«Қаланың адвокатына қатысты Абай аудандық полиция басқармасының тергеушісімен зорлау фактісі бойынша қылмыстық істі тоқтатуға жалпы соммасы – 360 мың теңге көлемінде пара алуға делдалдық жасалған дерегі бойынша сотқа дейінгі тергеп-тексеру әрекеттері басталған. Қазіргі уақытта полиция қызметкеріне қатысты сотпенен бұлтартпау шарасы кепіл түрінде қабылданған. Ол 20 миллион теңге көлемінде қаржы құйып, бостандыққа шықты. Ал адвокатқа қатысты бұлтартпау шарасы қолданылған жоқ, аптаның аяғына дейін қолданылады. Қазір ол да бостандықта жүр», – дейді ҚР Сыбайлас жемқорлыққа қарсы іс-қимыл Агенттігі Шымкент қаласы бойынша департаменті бастығының орынбасары Камал Қабылбеков.