Алматы қаласында өгей әкесінен зорлық-зомбылық көрген 18 жастағы қыздың ісіне қатысты жаңа мәліметтер шықты, деп хабарлайды Neonomad.kz ақпарат агенттігі Stan.kz сайтына сілтеме жасап.

Алматы қаласында Адам құқықтары жөніндегі бюроның кеңсесінде баспасөз мәслихаты өткен болатын. Маслихаттың барысында күдіктінің ағасы Батыр Оспанов өз ойын айтты. Ер адамның сөзінше, інісі 18 жастағы өгей қызын зорлағанының нақты дәлелі жоқ екенін және притонды әйелімен бірге ұстағанын айтты.

«Інім 2005 жылдан бері бір әйелмен тұра бастады. Әйелдің 3 жасар қызы бар еді. 14 жыл ішінде ортақ некелерінен 4 баласы дүниеге келді. Биылғы жылдың мамыр айында інім притон ұйымдастырып, ұстады деп айыпталды. Сонымен қатар ол сәлафизм бағытын ұстанады деп айыпталған. Алайда інім притонды әйелімен бірге ұстады. Оған қоса інім ешқандай дінді ұстанған емес. Ал зорлыққа қатысты оқиға адамның күлкісін келтіреді. Осыған дейін 6 сараптама жасалды. Оның зорлағанының нақты дәлелі жоқ», – дейді Оспанов.

Оспановтың сөзін күдіктінің әйелінің туыстары да растап, оның дінді ұстанатын адамға ұқсамайтынын, тіпті, мешітке барғанын көрген емеспін, дейді әйелдің туысы Мақсат Турдажиев.

Ерлі-зайыптының туыстары тергеудің әділ өткенін, қоғам тарапынан қысым көрсетілмегенін қалап отыр. Олар күдікті тек притон ұстағаны үшін жауапқа тартылса, дейді.