Ресей журналисі олигарх Кеңес Рақышевтан ақша бопсалады деген күдікке ілінді, деп хабарлайды Neonomad.kz ақпараттық агенттігі Росбалт сайтына сілтеме жасап.
«Росбалт» журналисі Александр Шварев бопсалау бойынша тергеуге алынды.
Тергеу материалына сай, журналист бизнесмен-олигарх Әлішер Усманов туралы әдейі жалған ақпарат таратып, оның беделіне нұқсан келтіргенге ұқсайды. Сол секілді қазақстандық кәсіпкер Кеңес Ракишевтен де ақша бопсалаған көрінеді. Ол олигархтардан 50 мың долларға дейін ақша бопсалаған деп көрсетіледі ресми құжаттарда.
«Журналисттің мақсаты айқын – адал кәсіпкер Әлішер Усманов пен оның іскерлік серіктесі (ол қазір Мемлекеттік Думада отыр, «Единная Россия» фракциясында, сондықтан ол заңды түрде кәсіпкерлікпен шұғылдана алмайды) миллиардер Андрей Скочтің беделіне нұқсан келтіру. Тек бір ғана нәрсе айқын емес, тергеу неге жазаны күшейтіп, журналистті куәгерлерден күдіктілер қатарына өткізгісі келетіні.
Шваревтің адвокаттарының айтуынша, тергеу дәлел базасы бойынша екі жақта да жеткіліксіз. Енді біздің күдігіміз толық расталды – тергеу қазір Шварев ақша бопсалады деп қазақстандық олигарх Кеңес Рақышев деген біреуді тапты. Әрине, олар журналистті олигархтарды бопсалаушы рецидивист-маман қылып көрсетпекші! Тергеуді Рақышев бопсалау құрбаны болса, ол неге тура осыны күнді күтіп, ұзақ үнсіз жатқаны түк қызықтырмайтын сияқты», – дейді басылымның бас редакторы Николай Ульянов.
