Алматы маңындағы Талғар жолында қоғамдық көлік көпірден аударылып, үлкен Алматы каналына құлап түскен. Оқиға кезінде автобуста екі бала мен алты ересек адам болған, деп хабарлайды Neonomad.kz
Белгілі болғандай, жолаушылар Талғардан Алматыға бара жатқан.
«Қалааралық маршрут Талғар трассасымен солтүстікке қарай келе жатқан. Жеңіл көлікпен соқтығыспас үшін автобустың жүргізушісі маневр жасаған. Салдарынан аударылып, өзенге құлаған», – қалалық мобильдік Басқармасының басқарма орынбасары Қанат Байғоңыров.
Алматы облысы полиция департаментінің баспасөз қызметі таратқан мәліметке сүйенсек, апатқа көліктің дөңгелегіндегі ақау себеп болған.
«Жолаушылар автобусын 56 жастағы жүргізуші басқарған. Жол апатында қайтыс болғандар, немесе зардап шеккендер жоқ. Медиктер барлық жолаушыларды тексерді», – дейді Алматы облысының полиция департаментінің баспасөз қызметі.
Жол-көлік оқиғасы бойынша қажетті тексеріс жүргізілуде.
