Өскеменде жас қыз жігітінен айырылғанын қабылдай алмай, тамырын кеспек болды, деп хабарлайды Neonomad.kz ақпараттық агенттігі КТК телеарнасына сілтеме жасап.
Оқиға 29 желтоқсанда Өскеменде болған.
Қызды Ұлттық ұлан қызметкерлері Гагарин гүлзарында балалар ойнайтын алаңның манынан байқаған. Ұлттық ұлан қызметкері Табыс Қайсар әріптесі Ермек Уәлиевті шақырған. Екеуі зардап шеккен қызға көмек көрсеткен – қанды тоқтатып, жедел жәрдем шақырып, сол аумақты қоршауға алған.
Қыз ауруханаға жеткізілді. Бойжеткеннің мұндай әрекетке баруына сүйіктісімен қоштасуы себеп болған. Қазіргі уақытта «Өз-өзіне қол жұмсауға дейін жеткізу» бабы бойынша қылмыстық іс қозғалды.
