Алматылық «түнгі көбелектерді» өз қамқорына алмақшы болған полиция департаментінің қызметкері жезөкшелерден 5 мың доллар талап еткен, деп хабарлайды Neonomad.kz ақпараттық агенттігі «Астана» арнасына сілтеме жасап.
Нәдірбаев жезөкшелерге көмектесіп, олардың былықтарын жабуға көмектеспек болған. Ол үшін 5 мың доллар ақша талап еткен.
Дегенмен сыбайлас жемқорлыққа қарсы іс-қимыл бөлімінің өкілдері тәртіп сақшының құйтұрқы әрекетін дер кезінде әшкерілепті. Бүгін сот оған 7 жарым жылға қамауға алу туралы үкім шығарды.
Қазақстан Республикасы Қылмыстық кодексінің 366-бабы 3-бөлігінің 1, 3-тармақтарына сәйкес мемлекеттік қызметте лауазымдарды атқару құқығынан өмір бойына айырып, әрі 7 жыл 6 айға қамауға алу туралы жаза тағайындалсын.
Еске сала кетсек, Алматының әкімі Бақытжан Сағынтаев Сейфуллин даңғылында тұратын жезөкшелерді құртуды тапсырған болатын.
