Арыстағы әскери бөлімше жарылып, снарядтар атылып жатқанда кенеттен толғағы қысқан әйелді босандырған акушер-дәрігері Нағима Зорымбаева сұқбат берді, деп хабарлайды Neonomad.kz Zakon.kz сайтына сілтеме жасап. 

24 маусым күні таңғы сағат 8.30 Нағима кезекшілік жұмысына кіріседі. Дәл сол кезде аурханаға жүкті әйел кеп түскен. Ал жарты сағаттан соң Арыс қаласында жарылыстар басталып, аурухананың бөлім меңгерушісі Нағима Тәженова қызметкерлер мен ауруларға қаладан кетуге кеңес береді. Соны естіген акушер-дәрігер өзіне қажетті заттарды алып, санитарка екеуі әлгі жүкті әйелді қолтықтап, ауруханадан қашып шығады.

Үшеуі қашып бара жатқанда, жолдан сарбаз мінген көлік тоқтайды. Оларды біраз жолға дейін жеткізіп салып, оқиға орнына дереу баруы керектігін айтып, сол жерден түсіріп кетеді. Әрі қарай үшеуі жаяу қашқан.

«Адамдар жүгіре басталды. Өте қорқынышты болды. «Нива» көлігін тоқтаттық, бірақ жолда машинаның жанармайы таусылып қалды. Сөйтіп тағы жаяу қалдық. Үшінші көлікті тоқтатып едік, бірақ онда бос орын болмады. Сондықтан санитаркамыз бізді отырғызды да, өзі жаяу кетті. Көлікте үш әйел болды. Олар Нұр-Сұлтаннан ҰБТ-ға келгендерін айтты», – дейді дәрігер.

Жолда жүкті әйелдің толғағы қысып, жақын маңдағы үйге кіруге тура келген. Ол – Қазығұрт ауданы Монтайтас ауылы екен.

«Үйдің иесінен жылы су беруді өтіндім. Босануы ауыр болды. Салмағы ірі қыз туылды. Жанымда астанадан келген комиссияның қызметкері болды. Жедел жәрдем шақырып, ол жаңа босанған әйелмен оның қызын Қазығұрт аудандық ауруханаға алып кетті», – дейді Нағима Зоримбаева.

Шәкәрім атындағы Мемлекеттік университеті доцентінің міндетін атқарушы Жанат Нұрмұманова босану кезінде көмек берген.

«Әйелдің екінші рет босануы екен. Тұңғышы жарылыс кезінде балабақшада болған. Босанып жатқанда оған «барлық балалар Шымкентке эвакуацияланды» деп, оны тыныштандырдық. Ол, егер ұл бала туғанымда жүргізушінің есемін қояр едім деді – Досмұхаммед, бірақ қыз болатынын алдын ала білгендіктен, әйелдерді көлігімен жеткізген жүргізушінің анасының атымен – Камилла деп қоятынан айтты», – дейді Жанат Нұржұманова.

26 маусымда Жанат Нұржұманова, және Семейдің тағы екі оқушысын Білім және ғылым министрлігі Асхат Аймағамбетов алғыс хатпен марапаттады.