Алматы қаласындағы сұлулық салоны Зере Төреханға моральдық шығын төлейтін болды. Бойжеткен қаңтар айында қасын хнамен боятамын деп жарты жылға жуық уақыт дәрігерлерге емделуге мәжбүр болған еді, деп хабарлайды Neonomad.kz ақпарат агенттігі Еуразия арнасына сілтеме жасап.

Сұлулық салонына қасын боятуға барғаннан кейін бойжеткеннің беті ісіп кетеді. Алайда бірінші инстанция соты оның шағымын қанағаттандырмайды.

Аппелляциялық алқа соты кінәлі тарапты моральдық шығын ретінде 14,3 мың теңге, моральдық залал үшін 70 мың теңге және көрсетілген қызмет үшін 100 мың теңге төлеуге міндеттеді.

Бойжеткен бастапқы кезде шағымында өзіне төленуі тиіс өтемақы мөлшерін 700 мың деп көрсетсе де, соттың бұл шешіміне риза екенін жасырмады. Айтуынша, сұлулық салонының қызметкерлері жасағандары үшін жауапкершілік алуы тиіс.

Алайда қарсы тарап мұнымен келіспей отыр. Адвокаттың айтуынша, хна алдын ала сынама жасайтындай медициналық препарат емес.