Қазақстанда жұмыс орындарын ашу өте баяу жүріп жатқанын айтқан Тоқаев Үкіметті сынға алды, деп хабарлайды Neonomad.kz.
Президент Үкіметтегі шенділердің басты мақсаты: жұмыс орындарын ашу екендігін айтты.
«Тағы бір мәрте қайталап айтамын, үкіметтің қазіргі және алдағы басты міндеті – жұмыс орындарын құру. Экономиканың жай-күйі мен елдегі ішкі тұрақтылық осы проблеманың шешілуіне байланысты», – деді Тоқаев үкіметтің кеңейтілген отырысында.
Жұмыссыздық мәселесі шешілмесе, дейді Тоқаев, жағдай қиын болады. Сонымен қатар, «Еңбек» бағдарламасы үмітті ақмағанын тілге тиек етті. Өйткені, елімізде жұмыссыздық азаймай отыр. Оның сөзінше, жаңа жұмыс орындарын ашу өте баяу жүріп жатыр, саусақпен санарлықтай.
«Әр апта, әр күн жаңа жұмыс орындарын ашу мәселесімен айналысуларың керек. Бұл мәселені шешпесек, қиын жағдайдан шыға алмайтынымызды түсінулеріңіз қажет. Әзірге бұл мәселе, турасын айтқанда, тиісті шешімін таппай отыр», – деді мемлекет басшысы.
Президент премьер-министр Асқар Маминнің назарын осы мәселеге аударды.
«Егер проблема банктерде болса, онда ұлттық банкті тарту керек. Үкімет пен ұлттық банкке мәселені келісіп шешуді тапсырамын. Бір ай ішінде нәтижесін баяндаңыздар», – деді ол.
