Жамбыл облыстық полиция департаментіне қарасты күзет полициясының батальон қызметкерлері жолда жүкті әйелді босандырып алды, деп хабарлайды Neonomad.kz ақпарат агенттігі.
2 тамыз күні Сәлімбаевтар отбасы Қордайдағы перзентханаға бара жатқан. Кенет «Алматы-Ташкент» көшесінің 183-ші километрінде көлік бұзылып, жол шетіне тоқтайды.
Оларды байқаған күзет полициясының аға лейтенанттары Т. Сейімбетов пен Б. Наурызбаевтар ерлі-зайыптыны көлікке отырғызып, перзентханаға қарай бет алады. Жолда әйелдің толғағы қысып, оны полицейлер босандырып алады. Сол жерге келген жедел жәрдем анасы мен ұл баланы перзентханаға алып кетеді.
Әлеуметтік желі қолданушылары өз кезегінде полицейлерге алғысын жаудырып, олардың кіндік әке болуға лайық екенін айтып жатыр.
Посмотреть эту публикацию в Instagram
«Жарайсыңдар! Сендер болмасаңдар, әйел мен баланың жағдайы не болар еді?», «Олар кіндік әке болды деген үміттемін», «Әй, жарайсыңдар!» деп жазды желідегілер.
