Ақпарат және қоғамдық даму министрі Даурен Абаев өзінің оқушы күнінде сыныпты қалай жуғанын есіне түсіріп, оның ешқандай ұяты жоқ екенін айтты, деп хабарлайды Neonomad.kz ақпарат агенттігі.

«Білесіз бе, менің мектепте кезекшілікте болғанымыз, көктемгі тазарту жұмыстарын жүргізгеніміз есімде. Оның үстіне, масақ теруге деген ұғым болды. Қызылша тердік. Біз мектеп алаңын тазаладық. Сонымен бірге барлығымыз спортпен шұғылданып, үйірмелерге барып, дискотекаларға бардық», – деді ол «Хабар» телеарнасындағы Ашық диалог бағдарламасында.

Даурен Абаев мектептегі оқушылардың едендерді жуып жатқанына қатысты ешқандай жамандық көрмейтінін айтты.

«Негізінде, мен балаларды жұмысқа шақыруды ешқандай жаман нәрсе деп көрмеймін. Әрине, бірнеше маңызды нюанстар бар. Біріншіден, бұл оқуға кедергі келтірмеуі керек. Екіншіден, бұл ерікті түрде болуы керек. Ата-аналар мен оқушылар тұратын мектеп осындай шешім қабылдағаны жөн», – деді министр.

Министрдің айтуынша, мемлекет оқушыларға еден жуғызып, ақша үнемдеуді мақсат етпейді. Тазалаушы қызметкерлерді жұмыстан шығару жоспарланбайды.

«Бірақ балаларды жұмысқа тарту, жұмыс орнын таза сақтауда мен жаман ештеңе көрмеймін», – деп қорытындылады министр.

Бірақ білім және ғылым министрлігі мұның ерікті түрде атқарылатынын айтып жеткізсе де, әлеуметтік желілерде елордалық мектептердегі оқушылардың еден жуатындығы туралы естіп, көп тұрғын  наразылық білдіруде.