Павлодар облысында жалған ақпарат таратқан ер адам бас бостандығынан айырылды, деп хабарлайды Neonomad.kz ақпараттық агенттігі Sputnik Қазақстан сайтына сілтеме жасап.
Белгілі болғандай, 36 жастағы ер адам үстіміздегі жылдың 16 қыркүйегінде шамамен кешкі сағат 22:00-де тәртіп сақшыларына академик Марғұлан көшесіндегі №118 тұрғын үйдің кіребесірінде террористік әрекет жасалғалы жатқаны жайлы хабарлама түскен.
Оқиға орнына полиция мен жедел әрекет ету тобы шұғыл жеткен. Тексеріс барысында берілген ақпараттың жалған екені анықталды.
Тіркелген факт бойынша ҚР қылмыстық кодексінің 273-бабы (террористік акт туралы жалған хабар беру) бойынша сотқа дейінгі тергеу жүргізілді. Сот үкімімен жалған мәлімет берген павлодарлық тұрғынның бас бостандығы 2 жылға шектеліп, 1 жылға 100 сағат мәжбүрлі түрде қоғамдық жұмыс істеу міндеттелді. Сондай-ақ, ол айыппұл төлейтін болды.
«Жазасын өтеу барысында ер адамның тұрғылықты жерін ауыстыруға, көңіл көтеру орындарына баруға, құқық қорғау органдырына ескертпей басқа жаққа кетуге құқығы жоқ. Сонымен қатар, ол нашақорлықтан емделу курсынан өтуге міндеттелді», – делінген облыстық полиция департаментінің баспасөз қызметі таратқан хабарламада.
