Жаңаөзенде тағы көтеріліс болды. 500-ге жуық адам ереуілге шықты, деп хабарлайды Neonomad.kz ақпараттық агенттігі Tengrinews.kz сайтына сілтеме жасап.
Алаңға шыққан наразы жұрт Маңғыстау облысының әкімі Серікбай Тұрымовпен кездесті. Жиналғандардың талаптарын тыңдап, тұрғындарды алаңдайтын мәселелер бойынша өзінің қабылдауына шақырды.
Обылыс әкімінен өзге алаңға шыққан наразы жұртпен қалалық әкім Әділбек Дауылбаев кездескені белгілі.
Еске сала кетсек, Жаңаөзенде жүзден астам адам қала әкімдігі ғимаратының жанында жергілікті тұрғындарды жұмысқа орналастыру талабы бойынша жиналды.
Олардың айтуынша, қалада жергілікті тұрғындар үшін жұмыс орындары жетіспейді. Бұдан басқа, адамдар Қытай кәсіпорындарының ашылуына қарсы шыққан.
