Дәурен Айдарқұловтың бұрынғы әйелі Ақбота Сейітмағамбет стилін түбегейлі өзгертіп, ерекше образдарын хиджабқа алмастырды. Өнер иесі парақшасындағы барлық фотоларын өшіріп, оранып алған суреттерін ғана жариялап қойған, деп хабарлайды Neonomad.kz ақпарат агенттігі KAZ.NUR.KZ сайтына сілтеме жасап.
Ақбота Сейітмағамбеттің өмірінде үлкен өзгерістер орын алған көрінеді. «Кешью» тобында өнер көрсетіп танылған ару ажырасып кеткен соң, желіде асқан белсенділік танытқан болатын. Алайда, кейін Instagram кеңістігінен жоғалып, біраз уақытқа дейін желіден алыстап кетті. Бірнеше апта бойы оқырмандарымен байланысқа шықпаған Ақбота оларға өзінің қайта оралғанын жеткізді. Бірақ, шоу-бизнес жұлдызы енді түбегейлі өзгергенін көрсетті.
Посмотреть эту публикацию в Instagram
Ол Instagram парақшасындағы барлық фотоларын өшіріп тастап, ел назарына өзінің хиджабтағы суреттерін ұсынған. Бұл жайт желі қолданушыларының таңданысын тудырғаны анық. Олар әншіні мұндай өзгерістерге не итермелегенін біле алмай әлек болып, оны сұрақтың астына алды.
Посмотреть эту публикацию в Instagram
Қалың көпшілік Ақбота Сейітмағамбет бұрынғы жолдасымен қайта қосылып алғанын болжады. Алайда, бұл тұжырымдарды әртіс әзірге жауапсыз қалдыруда.
