Қарағанды облысындағы комапниялардың бірінде қазақстандықтар мен шетел азаматтары төбелскен болатын. Жанжалға себепкер болған кінәлі анықталды, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Қызметкерлер арасындағы дауға себеп болған түрік азаматы болып шықты. Ол Жәйрем аумағында салынып жатқан полиметалл зауытының құрылысында жұмыс жасайды екен.
Егде жасындағы түрік азаматы қазақ қызының жалаңаш суретін желіге жүктеген. Оған ашынған жергілікті тұрғындар шетел азаматтарын ұрып тастаған.
Бүгіндері кінәлі өз айыбын мойындап, Қазақстан халқынан кешірім сұрап, видеоүндеу жолдады.
Еске сала кетсек, 12 тамызда Қарағанды облысындағы Жәйрем ауылындағы кен байыту комбинатында шетелдік және жергілікті жұмысшылар арасында қақтығыс болып, төбелеске қатысушылар жеңіл дене жарақаттарын алды.
