«Nur Otan» партиясы Жамбыл облыстық мәслихат депутаттығына үміткер Сергей Ни Константинович, аудандық мәслихат депутаттығына үміткер Саурықов Нұртас Ұзақұлы «Кандидат — қонақта» акциясы аясында Құмөзек ауылындағы зейнеткерлер Аман Мұхатаев пен Гүлжамал Аралбекованың шаңырақтарында болып, «Өзгерістер жолы: Әр азаматқа лайық өмір!» — атты партияның сайлауалды бағдарламасымен таныстырды, деп хабарлайды Neonomad.kz ақпарат агенттігі.

Нұртас Саурықов партияны алдағы жылғы жоспарларымен бөлісіп, аталған жоспарлардың жүзеге асуына ықпал жасайтынын жеткізді.

Қариялар «Nur Otan» партиясының 7 басымдығына топтастырылған сайлауалды бағдарламасының бағыттары бойынша атқарылатын жоспарларына үлкен қызығушылық танытып, бағдарламаның көңілдерінен шыққандарын жеткізді.

Сондай-ақ 10 қаңтарда өтетін сайлауға бір кісідей ат салысатындарын айтты. Үміткерлер өз тараптарынан еліміздің жарқын болашағы үшін, тұрғындардың қолайлы әрі қауіпсіз ортада өмір сүруі үшін «Nur Otan» партиясын қолдауға шақырды.

Сайлауалды үгіт-насихат бағытындағы материалдар «Nur Otan» партиясы Жамбыл облысы Мойынқұм аудандық филиалының сайлау қорынан төленеді.