Бүгін Нұр-Сұлтан мен Алматы қалаларында заңсыз митинг өтті. Оның ұйымдастырушылары полиция бөлімшелеріне жеткізілді, деп хабарлайды Neonomad.kz Sputnik.kz сайтына сілтеме жасап.
«Әкімдік пен прокуратураның бірнеше рет ескерткеніне қарамастан, бірқатар азамат тыйым салынған экстремистік ұйымның араңдатушылығына ерді. Кейбіреулер құқық қорғау қызметкерлеріне қатысты заңға қайшы әрекет жасап, басқа азаматтардың тыныштығы мен қауіпсіздігіне қатер төндірді», – деп хабарлады министрліктің баспасөз қызметі.
Министрліктің баспасөз қызметі хабарлағандай, ішкі істер органдары қоғамдық тәртіпті сақтау үшін заң аясында тиісті шаралар қабылдаған. Сонымен қатар, санкцияланбаған митингті ұйымдастырушылар полиция бөлімшелеріне жеткізілген. Олардың кейбіреуінен түтіндету құтысы мен травматикалық қару тәркіленген.
Министрліктің ақпаратынша, тәртіп бұзғандарды ұстау кезінде арнайы құралдар қолданылған жоқ.
