Молдовада анасы баласын өз-өзіне қол жұмсауға мәжбүрлеп, сол сәтті видеоға түсірген, деп хабарлайды Neonomad.kz ақпараттық агенттігі Sputnik Молдова сайтына сілтеме жасап. 

Жантүршігерлік оқиға туралы Молдованың денсаулық сақтау, еңбек және әлеуметтік қорғау министрі Алла Немеренко Facebook желісіндегі өзінің парақшасында жазды.

Порталдың мәлімдеуінше, психикасы тозған ана баласын өз-өзіне қол жұмсауға мәжбүрлеп, телефонға түсіріп тұрған. Кейін видеоны әлеуметтік желіге жүктеген.

«Полиция дер кезінде араласты. Бала әлеуметтік қамсыздандыру саласының қызметкерлеріне тапсырылды. Оның қауіпсіздігі қамтамасыз етіледі. Қазір психолог көмектеседі. Ал анасын дәрігерлер тексеріп жатыр», – деді Молдованың денсаулық сақтау министрі.

Баланы туыстары алып кеткен, деп хабарлайды ақпараттық агенттік.