Әлеуметтік желіде қызу талқыға түскен итті тірідей өртеп жатқан видео бойынша жедел-іздестіру шаралары ұйымдастырылып, күдіктілер ұсталды, деп хабарлайды Polisia.kz.
«Осы қылмысты жасады деген күдікке ілінген аталған елді-мекеннің кәмілетке толмаған екі жасөспірімі ұсталды. Олар 2004 жылы және 2005 жылы туған балалар. Олар шұғыл ұйымдастырылған тергеу жұмыстарының алғашқы сағаттарында-ақ анықталды. Жасөспірімдер өздерінің жантүршігерлік әрекеттегі кінәларын толығымен мойындап, ауыр қылмысты қызық үшін жасағандарын жеткізді. Бұл – қылмыстық жауапкершілік көзделетін қаскөйлік жағдай», – деді Алматы облысы Алакөл ауданы полиция бөлімінің бастығы Қуат Оспанов.
Аталған дерек бойынша ҚР Қылмыстық кодексінің 316-бабының 2-тармағымен көзделген қылмыс бойынша іс қозғалып, сотқа дейінгі тергеу жалғасып жатыр.
