Атырау облысында заңсыз жұмыс істеп жүрген Қытайдың 14 азаматы анықталды. ҚР көші-қон заңнамасына қарай олар елден шығарылады, деп хабарлайды Neonomad.kz Аzh.kz сайтына сілтеме жасап.
Заңсыз жұмыс істеген шетелдік азаматтар қытайлық «Shanghai Construction» құрылыс компаниясының жұмысшылары. Олар Ақтөбе-Атырау-Астрахан тас жолының Сағыз-Мұқыр учаскесінде еңбек екен.
Атырау облыстық Қызылқоға ауданында сот отырысы болды. ҚХР азаматтарына қатысты Әкімшілік құқық бұзушылық туралы кодекстің 517-бабының 2-тармағы, яғни көші-қон заңнамасын бұзуына сәйкес сот үкімі шықты. Олар Қазақстан территориясынан шығарылатын болды.
Еске сала кетейік, бұған дейін Атырауда шетелдік компанияға айыппұл салынғаны туралы жазған болатынбыз. «Shanghai Construction» компаниясының қытайлық қызметкері әлеуметтік желілерде кеңінен таралған бейнежазбаға түсіп қалып, көші-қон заңнамасын бұзғаны үшін әкімшілік жауапкершілікке тартылған болатын.
