Қазақстан территориясында жүріп заңсыз әрекет еткен Қытай азаматтары анықталды, деп хабарлайды Neonomad.kz ақпараттық агенттігі Sputnik Қазақстан сайтына сілтеме жасап.
«Қытайдың 120 азаматының жалған диплом бойынша қызмет атқарғаны анықталды. Прокурорлық тексеріс нәтижесінде олар елден шығарылды», – деп хабарлады қадағалаушы орган.
Сонымен қатар, заңсыз көші-қон ұйымдастырған Қытайдың екі азаматы анықталды.
«Ұлттық қауіпсіздік комитетінің Қызылорда облысы мен Байқоңыр қаласы бойынша департаменті жедел іздестіру шарасын өткізді. Оның қорытындысы бойынша заңсыз көші-қон ұйымдастырған Қытайдың екі азаматы ұсталды», – деп жазылған хабарламада.
Сот үкіміне сәйкес, олар бас бостандығынан айырылды.
