Қытайда адам өміріне аса қауіпі бар ауру тарап жатыр. Дәрігерлер емін іздеп әлек, сондықтан ескерті жасады, деп хабарлайды Neonomad.kz ақпараттық агенттігі РИА Новости сайтына сілтеме жасап.
Хубэй провинциясының Ухань қаласында дәрігерлер дабыл қағуда. Қалалық денсаулық сақтау басқармасы тұрғындарға сақ болуға кеңес берді.
«Өкпе қабынуы дертінің белгісіз түрінің тарап жатуына байланысты медициналық мекемелер статистика жүргізіп, пациенттердің жағдайын мұқият қарауды өтініп сұраймыз. Тиісті ақпаратты бізге бірден жіберіңіздер», – делінген қалалық денсаулық сақтау басқармасы таратқан хабарламада.
БАҚ мәліметінше, дәрігерлер аурудың емін іздеуде. Ал дертті жұқтырған науқастар оқшауланған түрде ем қабылдап жатқанын жеткізді.
Уханьда желтоқсан айында 27 адам пневмония ауруының (өкпе қабынуы) белгісіз түрін жұқтырған. Оның жетеуі ауыр халде жатыр, делінеді жергілікті билік таратқан мәліметте.
Дәрігерлер екі адамның дерттен айыққанын, алдағы уақытта ауруханадан шығарылатынын хабарлады.
Аурудың неден пайда болғанын анықтау үшін Ухань қаласына Қытайдың денсаулық сақтау мәселелері жөніндегі мемлекеттік комитетінің мамандары келді.
