Қырғызстанның бұрынғы президенті Атамбаев пен оның жақтастарына сот-психиатриялық сараптама тағайындалды, деп хабарлайды Neonomad.kz ақпараттық агенттігі Жас Алаш сайтына сілтеме жасап.
«Ішкі істер министрлігінің дерегінше, сотқа дейінгі тергеу амалдары аясында 16 адам күдікті ретінде танылған. ІІМ хабарламасында олардың ауыр және өте ауыр қылмыс жасады деген күдікке ілінгені жазылған. Қырғызстан заңына сәйкес, мұндай жағдайда күдікке ілінген азаматтар сот-психиатриялық сараптамадан өтуі тиіс», – делінген хабарламада.
Еске сала кетейік, 7 тамыз күні Қой-Таш ауылында орналасқан Атамбаевтың үйінің алдында экс-президентті ұстау операциясы өтті. Арнай жасақтың сарбаздары мен Атамбаевтың жақтастарының арасында қақтығыс болып, салдарынан жарақат алғандардың саны 52 адамғажетті. Арнайы жасақтың бір сарбазы қаза тапты, бір басшы комада жатыр. Атамбаев Бішкекте митинг өткізетінін айтты. Кейін оның үйінен қару-жарақ пен оқ-дәрілер табылғаны туралы жаздық.
