Атамбаевты ұстау операциясы кезінде оны құқық қорғау органдарына берілуге көндірген министрдің орынбасары Асанов қызмкетінен қуылды. Бірақ мына бір қызыл пакет қырғызстандықтардың тынышын бұзды, деп хабарлайды Neonomad.kz ақпараттық агенттігі 24.kg. сайтына сілтеме жасап.
Атамбаевты көндіруге инициатива білдірген министрдің орынбасары Асанов келіссөздер жүргізіп жатқанда екеуінің ортасында қызғылт пакет болған.
Қолданушылар пакетте ақша, алтын және гауһар тастар бар деп дауласып жатыр.
Аноним видео авторларының сөзінше, Асанов келіссөздерден кейін аталмыш пакетті тергеушілерге заттай дәлел ретінде бермей, өзінде қалған.
Ресми ақпарат бойынша, пакет Атамбаевтың заңгері Сергей Слесаревке тиеслі екен.
«8 тамызда бұрынғы президент Кундуз Жолдубаевадан құжаттар бар пакетті адвокатқа тапсыруын сұрады. Онда ақша мен бағалы заттар мүлде жоқ еді. Онда Алмазбек Атамбаевты қылмыстық істер шеңберінде қорғау үшін қажетті құжаттар болған. 8 тамызда үйден шыққан кезде, пакетті Атамбаевтың оққағары алған. Содан кейін ол ҰҚК аумағында болды, өйткені Атамбаев сол жерге жеткізілген, оның жанында Кундуз Жолдубаева мен мемлекеттік күзет болған. Алмазбек Атамбаев ҰҚК қабырғасында қалды, ал Кундуз бен күзетшіні ІІМ ғимаратына жеткізілді», – деп жазды Замир Жоошев.
Еске сала кетсек, 13 тамыз күні Қырғызстанның ІІМ орынбасары Асанов «сенімін» жоғалтқаны үшін қызметінен босатылған болатын.
