YouTube видеохостингі кейбір тілдерге ақылы жарнамалауда шектеу қойды, соның ішінде қазақ тілі де бар, деп хабарлайды Neonomad.kz ақпараттық агенттігі Bnews.kz сайтына сілтеме жасап.
Бұл туралы белоруссиялық «Радио Свобода» YouTube-каналының журналисі Франтишек Вечерко жазды.
«Кеше маған Google Moscow кеңсесінен хабарласты. Белорус, татар, қазақ және өзге де «шағын» тілдердегі видеоларды ақылы жарнамалауға шектеу енгізілді дейді. Ондай тілдерді қолдауға компанияның мүмкіндігі жоқ екен», – деп жазды Вечерко.
Журналистің мәліметінше, «Шағын» тілдердегі контентті ақылы жарнамалау үшін модераторлар видеоны «хейтспич» (араздықты қоздыру) және фейк ақпарат тұрғысынан тексеруі керек. Алайда компания бұл тілдердегі контентті тексеретін қызметкерлер жалдаудан бас тартқан екен.
Сондықтан Google орыс тіліне көшуге кеңес берген.
