Алматы маңында ұшақ құлап, салдарынан 14 адам қаза тапты. Бірақ Bek Air компаниясының басшылығы ұшақ апаты үшін халықтан кешірім сұрамады. Саясаткер осыған байланысты пікір білдірді, деп хабарлайды Neonomad.kz ақпараттық агенттігі.
Қазақстан президенті жанындағы Ұлттық кеңестің мүшесі, саясаткер Ерлан Саировтың сөзінше, ұшақ апатынан екі күн өтседе, Bek Air компаниясының басшысы әлі күнге дейін халықтан кешірім сұрамады.
«Бек-Эйр» компаниясының басшылығы халықтан екі күннен бері кешірім сұрауы керек еді. Халықтан! Олардың кесірінен біз бауырларымыз бен қарындастарымыздан айырылып отырмыз. Бұл біздің халқымыздың дәстүрлеріне және жаһандық дағдарысты басқаруға сәйкес келетін қарапайым мінез-құлық моделі. Соған қарағанда мәдениет жоқ секілді. Өкінішіті, өте өкінішті», – деп жазды Саиров.
Саясаткер компания басшылығы «ар-ұятқа немқұрайлы қарағандығын айтады.
«Күтіп жүрмін, кешірім сұрағандарын күтіп келемін. Олардың «ар-ұят» дегенді ұмытқандары көрініп тұр», – деп есептейді ҚР президенті жанындағы Ұлттық кеңестің мүшесі.
Сонымен қатар, Bek Air-дің акционерлері мен серіктестік басшылығы «Қазақстан Республикасының заңнамасына сәйкес қатаң жазалануы қажет» дейді Саиров.
Басылымның мәліметінше, қазіргі таңда Bek Air атынан «апаттан жапа шеккендердің жақындарына қайғыра көңіл айттылды». Сонымен қатар, әуекомпания қазақстандықтарға көңіл айтып, «рейстермен туындаған қиындықтарға» қатысты кешірім сұрады.
