Қызылорда облысында сарбаз екі күнге қамалды. Ол ұялы телефонмен сөйлескен, деп хабарлайды Neonomad.kz ақпараттық агенттігі КТК арнасына сілтеме жасап.
Қалалық мамандандырылған әкімшілік сотында ҚР Әкімшілік құқық бұзушылық кодексінің 652-бабының 5-бөлігімен Ұлттық Ұланның әскери бөлімінің мерзімді әскери қызметкері сарбаз С.-ға қатысты әкімшілік іс қаралды.
Оқиға 13 қарашада болған. Іс құжаттарына сәйкес, жедел мақсаттағы ротаның сарбаз-атқышы Қызылорда қаласында бекітілген аймағы бойынша қоғамдық қауіпсіздікті сақтауға және қоғамдық тәртіпті қамтамасыз ету мақсатында қызмет атқарып тұрып, жеке ұялы телефоны арқылы қызметтік емес сөйлесулер жүргізіп, қызметіне жауапсыздық танытқан.
Сот қаулысымен өзіне қатысты әкімшілік құқық бұзушылық туралы іс бойынша іс жүргізіліп жатқан тұлға С. Қазақстан Республикасының Әкімшілік құқық бұзушылық кодекстің 652-бабының 5-бөлігімен кінәлі деп танылып, 2 тәулік әкімшілік қамауға алынды.
