Волейболдан ерлер мен әйелдер арасында өткен жарыста алматылық әйелдер құрамасы жеңіске жетті, Neonomad.kz хабарлайды.
Спартакиаданың басты мақсаты – республика бойынша үздік спорт мекемелерін анықтау және 2020 жылғы Токиодағы XXXII жазғы Олимпиада ойындарына қатысатын мықты спортшылар мен командаларды іріктеу.
Төрт жылда бір рет өтетін айтулы сайысқа әйелдерден құралған сегіз команда қатысты. Нәтижесінде, Алматы қаласынан келеген әйелдер командасы, БҚО құрамасын 3:0 есебімен жеңіп, бірінші орынға ие болды. Екінші орынды Батыс Қазақстан облысы, ал үшінші орынды Қарағанды облысы иеленді.
Волейболдан ерлер арасындағы сынға Алматы, Ақтөбе, Атырау, Батыс Қазақстан, Маңғыстау және Солтүстік Қазақстан облыстарының командалары қатысты. Сайыс қорытындысы бойынша, Батыс Қазақстан облысының ерлер командасы бірінші орынды, екінші орынды Солтүстік Қазақстан, үшінші орынды Алматы облысының командасы жеңіп алды.
Сайыс соңында, жеңімпаз командалар мен спортшыларға қомақты сыйлықтар және дипломдар табысталды.
