Мейрамхана алдына жас жұбайларды тікұшақпен алып келген ұшқыш жұмыстан босатылды, деп хабарлайды Neonomad.kz Азаматтық авиация комитетіне сілтеме жасап.
«Бірқатар қазақстандық БАҚ-та видео жарияланды, онда «Falcon Avia» ЖШС-ға тиесілі тікұшақты қондыру сәті көрсетілген. Осылайша, Қазақстан Республикасы Инвестициялар және даму министрінің м. а. бұйрығымен бекітілген Қазақстан Республикасының азаматтық авиациясында ұшуды жүргізу ережесінің 423-тармағының ережелері сақталмаған», – делінген Азаматтық авиация комитетінің хабарламасында.
Енді ұшуды ұйымдастырған «Falcon Avia» компаниясының басы бәлеге қалды десек артық болмас. Өйткені елді мекен аумағына қонуға жол берген әуе кемесінің капитаны А. В. Матвиенко ұшудан шеттетілді, ал «Falcon Avia» жауапкершілігі шектеулі серіктестіктіне болса инспекциялық комиссия жіберліді.
Еске сала кетсек, көпшіліктен ерекшеленгісі келген қазақстандық жас жұбайлар тойханаға тікұшақпен келген болатын. Instagram желісінде видео жарияланып, той иелері сынға алынған болатын. Белгілі болғандай, оқиға Жамбыл облысында, Шу қаласында болған.
