Енді Түркістан қаласын 38 жастағы Рашид Аюпов басқаратын болды. Бүгін облыс әкімі Өмірзақ Шөкеев қаланың жаңа әкімін таныстырды, деп хабарлайды Neonomad.kz.
Бұған дейін Рашид Аюпов «Шымкент» әлеуметтік-кәсіпкерлік корпорациясын басқарған.
Ол 1981 жылы Оңтүстік Қазақстан облысының Кентау қаласында дүниеге келген. Шымкент университетін, Шымкент әлеуметтік-педагогикалық университетін, Академиялық инновациялық университетті бітірген. Информатика бакалавры, мемлекеттік басқару бакалавры, заңгер.
«Болашақ» бағдарламасының түлегі, Ұлыбританиядағы Лондонның Мария патшайым универсиетін бітірген (Queen Mary University of London), мемлекеттік басқару магистрі.
2015-2018 жылдары Шымкент әкімі аппаратының басшысы болып, NUR OTAN партиясы ақпараттық технологиялар орталығын басқарды, Шымкент әкімінің кеңесшісі болды.
