Мемлекет басшысы Қостанай мектептерінде қазақ тілін оқытудағы проблеманы шешуді тапсырды, деп хабарлайды Neonomad.kz.
«Жергілікті халықтың шағымына қарағанда, Қостанайда мектептерде қазақ тілін оқытуда проблемалар бар. Жаңа оқу жылы басталғанға дейін Білім және ғылым министрлігі мен облыс әкімі осы мәселені шешулері тиіс», – деп жазды Тоқаев Twitter желісіндегі парақшасында.
Судя по откликам местных жителей, в Костанае сложилась серьезная ситуация вокруг школы с казахским языком обучения. Министр образования и аким области должны решить все проблемы до начала нового учебного года.https://t.co/Kg6SeWjkA1
— Qasym-Jomart Toqayev (@TokayevKZ) July 3, 2019
БАҚ-да Қостанайдағы Сырбай Мәуленов атындағы № 24 қазақ мектеп-гимназиясын «Строитель» мәдениет үйі ауданындағы бұрынғы кәсіби колледждің ғимаратына көшіру туралы ақпарат шыққан болатын. Ал қазақ мектебінің орнына балабақша ашылады.
Міне осы ақпарат мектеп оқушыларының ата-аналарының наразылығын тудырды. Олардың сөзінше, жоғарыда айтылған ғимарат өте алыста орналасқан, балалардың жетуі қиын болады.
Осы себептен қала әкімі Қайрат Ахметов пен білім бөлімінің басшысы Айман Ибраева ата-аналармен кездескен болатын.
Кейінірек, Қостанай облысының білім Басқармасы гимназия жабылады деген ақпаратты жоққа шығарды.
«Бұл ақпарат қайдан шыққанын білмеймін. Біріншіден, қазақ мектебі болсын, орыс мектебі болсын, ешқайсыда жабылмайды. Мемлекеттік тілде оқытатын мектептерге келсек: бүгінгі таңда бізде олардың саны 120-ға жетті, және қазақ тілі басым 121 аралас мектеп бар. Яғни, біз оларды болашақта қазақ тілінде оқуға дайындап жатырмыз. Қостанайда алты мектеп таза қазақ тілінде, және қазақ тіліне баса назар аударған 10 аралас мектеп бар», – деді Қостанай облыстық білім басқармасының бастығы Василий Цымбалюк.
Әңгімеден белгілі болғандай, шатасу болған. Қостанайда Сырбай Мәуленов атындағы гимназия бар және №24 «А» мектеп-гимназиясы бар, ол бастауыш мектеп. Екеуі де қазақ тілінде оқытылады.
Дәл сол айтылған бастауыш мектеп басқа ғимаратқа көшіріледі екен.
«Бұл екеуі мүлдем басқа білім ордалары. Енді түсіндім қате ақпараттың қалай пайда болғанын. Бірақ бастауыш мектепте білім алатын оқушылардың ата-аналары басқа ғимаратқа көшуге наразылық білдірсе, онда бұл сұрақ жабылды деуге болады. Ешкім ешқайда көшпейді», – деді Цымбалюк.
