Нұр-Сұлтан қаласында күйеуінің кесірінен өлім аузында жатқан әйелдің жағдайы бір қалыпты, деп хабарлайды Neonomad.kz ақпарат агенттігі Tengrinews.kz сайтына сілтеме жасап.

Науқастың жағдайы ауыр және ол қазір интенсивті терапиядан өтіп жатыр.

«Науқас тоғыз күн бойы жансақтау бөлімінде жатыр. Жағдайы ауыр, болжам жасау күмәнді. Жағдайы жақсарып жатқан жоқ. Бірдеме айтуға әлі ерте. Ол ауруханаға өте ауыр халде түсті. Қазір ол шоктан шықты, бірақ ес-түсін білмейді. Интенсивті терапиядан өтіп жатыр», – деді НИИТО дәрігері Ербол Төлегенұлы.

Дәрігердің айтуынша, адамдар күйік шалған кезде көбінесе 45 пайыздан аман қалу екіталай, ал бұл науқастың денесі 75 пайызға күйіп қалған, бірақ өмірі үшін күресіп жатыр.

«Зонд арқылы демалып жатыр, өкпе желдетілуі жасанды жолмен істеп тұр. Әрдайым есірткі анальгетиктерімен ауырғанды басып жатыр. Ешкіммен көрісуге рұқсат жоқ. Ол изоляторда жатыр. Туыстары келіп сұрап жатыр, біз түсіндіріп, қайтарып жатырмыз», – дейді дәрігер.

Еске түсірсек, 43 жастағы ер адам әйелінің үстіне бензин төгіп, өртеп жіберген. Оқиға 6 қазанда шамамен 11:40-та болған. Полицияға мамандандырылған ХҚКО аумағындағы автобус аялдамасында денесі күйіп қалған әйелдің жатқанын хабарлаған. Әйел ауруханаға жеткізілді.