Қазақстан президенті Қасым-Жомарт Тоқаевтың жарлығымен Күләш Шәмшидинова бүгіннен бастап Білім және ғылым министрлігі қызметінен босатылды. Бұл туралы Ақорда сайты хабарлайды, деп жазады Neonomad.kz.
Жаңа қызметіне сәттілік тілеген Үкімет басшысы Асқар Мамин, Күләш Шәмшидиноваға жемісті жұмысы үшін алғыс білдірді.
«Күләш Ноғатайқызы тәжірибесі мол басшы. Министр қызметінде қарқынды жұмыс істеп, еліміздің білім беру саласының дамуына елеулі үлес қосты», — деді ол.
Мамин Білім және ғылым министрлігінің ұжымына жаңа министрді таныстырды. Ол – Асхат Аймағамбетов. Түрлі жылдары Қарағанды облысы білім басқармасының басшысы, білім және ғылым вице-министрі қызметтерін атқарды. Жаңа қызметке тағайындалғанға дейін ол Қарағанды облысы әкімінің орынбасары болған.
