Ресейдің Нижний Новгород қаласында тіс дәрігеріне барған жігіт жансақтау бөліміне түсті. Тергеу комитеті сотқа дейінгі тексеріс бастады. Бұл туралы ProGorod НН басылымы жазды, деп хабарлайды Neonomad.kz ақпарат агенттігі kaz.caravan.kz сайтына сілтеме жасап.
Ол тісі ауырып, дәрігерге барған. Тісін жұлған соң одан бетер ауыра бастапты. Ер адамның мойны ісіп кеткен. Ауруханада жиналған іріңді алып тастады. 33 жастағы ер адам жасанды тыныс алу аппаратына қосылған.
Науқастың әйелі оның сөйлей алмай жатқанын айтты. Тек көзін жұмып, басын изеп түсіндіреді. Оқиғаға инфекция түсірген стоматолог кінәлі болып отыр.
Алайда дәрігерлер әзірге ешқандай нақты болжам жасамады.
