Болған жағдайға байланысты энергетика министрлігінің бірінші вице-министрі Махамбет Досмұхамбетов 29 маусымда Атырау қаласына ұшып кетті, деп хабарлайды Neonomad.kz ҚР энергетика министрлігінің баспасөз қызметіне сілтеме жасап.
«Энергетика министрлігінің бірінші вице-министрі Махамбет Досмухамбетов бүгін кешке Атырауға ұшады. «Теңізшевройл» ЖШС ахуалды тұрақтандырып, қызметкерлердің қауіпсіздігін қамтамасыз ету үшін жергілікті мемлекеттік органдармен тығыз байланыс орнатып отыр», – делінген министрліктің ақпаратында.
Kaztag сайтының мәліметінше, бүгінгі болған ереуілге Теңіздегі 3GI зауытының бір мыңға жуық жұмысшысы қатысқан.
«Теңізшевройл» серіктестігі де болған оқиғаға қатысты пікір білдірді.
«29 маусымда 3GI зауытының алағында жұмысшылардың арасында келіспеушілік болды. Салдарынан CCEP медігерлік ұйымының бірнеше қызметкері жарақат алды. Оқиға орнында полиция келді», – деді ТШО тарапы.
Белгілі болғандай, бүгін Теңіздегі 3GI зауытының мыңға жуық жұмысшысының ереуіл жасаған. Бұған Ливия азаматы Ели Даудтың (Eli Daoud) әлеуметтік желідегі суреті себеп болған. Ол фотода рация ұстап тұр. Ал рацияның антеннасы жанындағы қазақ қызының ерніне тигенін көруге болады.
Бұл суретті намысқа тиеді деп есептеген жұмысшылар ереуілге шығып, араб қызметкерлерін соққының астына алды.
