Атырау облысында Кіріс департаментінің басшысы қызметінде жүрген Тасмағамбетов «пара алды» деген күдікке ілінді, деп хабарлады Neonomad.kz ақпараттық агенттігі Sn.kz сайтына сілтеме жасап.
Бұл туралы Сыбайлас жемқорлыққа қарсы іс-қимыл агенттігі мәлімдеді.
«Ол облыстық Кіріс департаменті жанама салықтар әкімшілігі басқармасының басшысынан талап еткен 10 мың доллар параның 3 мың долларын алған деген күдікке ілінді. Қызметте өсіруге, қолдап жүруге уәде еткен»,- делінген хабарламада.
Басылымның мәліметінше, Сыбайлас жемқорлыққа қарсы іс-қимыл агенттігінің жедел-тергеу тобы Атырау облыстық мемлекеттік Кіріс департаменті басшысының орынбасары Ғ. Досмағамбетовті және Кіріс департаменті аудит басқармасының басшысы А. Абдрахмановты ұстаған.
Олардың мекен-жайына, жұмыс орнына тінту жүргізілген.
Сонымен қатар, Атырау облыстық Кіріс департаменті басшысының орынбасары Құрманғали Нұрғалиұлы Тасмағамбетовті тергеуге алынған.
Жедел тергеу шаралары әлі жүріп жатыр. Жемқорлық бойынша қылмыстық іс қозғалғаны да белгілі болды.
Еске сала кетейік, Қазақстанның Ресейдегі елшісі лауазымды қызметінде болған Иманғали Тасмағамбетов қыметінен босатылды. Кейін СІМ оның өз еркімен кеткенін айтты.
