Атырау перзентханасында қайтыс болған жаңа туған нәрестенің анасы пікір білдірді. Сәби дәрігерлердің қателігінен көз жұмған болуы мүмкін, деп хабарлайды Neonomad.kz ақпараттық агенттігі Tengrinews.kz сайтына сілтеме жасап.
«Ол – біздің тұңғышымыз еді. Біз биыл сәуірде шаңырақ құрғанбыз. Мен босанғаннан кейін дәрігерлер баланың шетінеп кеткенін айтты. Жолдасым тиісті органдарға шағым жазды. Басқа ештеңе айта алмаймын», – деді 24 жастағы Нұржамал.
Аталған қайғылы оқиғаға байланысты Атырау облыстық перинаталдық орталығының дәрігерлері тергеуге алынды. Еліміздің Сыбайлас жемқорлыққа қарсы күрес агенттігі медицина қызметкерлерін нәрестені шетінеп кетті деп абайсызда тіркеліп қойғандықтан, шалажансар балаға медициналық көмек көрсетпей, оны өлтірді деген күдікке ілінгенін жариялады.
«Тексеру кезінде ол сәби тоңазытықыштан табылды. Құқық қорғау органдарының мәліметінше, дәрігерлердің мұндай әрекетіне мәліметтер базасында сақталып қойған құжаттарды түзеу мүмкін еместігі себеп болуы мүмкін», – деп жазады басылым.
ҚР Денсаулық сақтау министрі Елжан Біртанов қаза болған нәрестенің отбасына көңіл айтқан. Ол тергеу жұмыстарының нәтижесін күтуге шақырған. Президент әкімшілігі құзырлы орындарға Атырау облысындағы нәрестелердің қаза болу жағдайларының күрт артуы мәселесін шешуді тапсырған.
