Тайландта түсік тастағанын күйеуінен жасырған әйел біреудің сәбиін ұрлап кеткен, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Оқиға Тайландтың Пхангнга қаласында болған.
2019 жылдың қараша айында 27 жастағы Шривалак Акетхамсатин түсік тастап, ол туралы күйеуіне айтуға қорыққан. Ол өзін әлі де жүктімін деп күйеуін сендірген. Желтоқсан айында ол күйеуіне перзентханаға босану үшін жатқанын айтады.
Перзентханада ол таяуда ғана қызды болған ерлі-зайыптыларды кездестіріп, солармен жақын танысады. Келесі күні таңертең Шривалак оларға баласын бере тұруды, оны көтеріп жүре тұруға рұқсат сұрайды. Осы ұрымтал сәтті пайдаланған қыз баланы тура үйіне алып барады, ал күйеуі бұл өздерінің баласы дегенге сенеді. Алайда Шривалактың ауруханадан қашқан сәті бейнебақылау камерасына түсіп қалған. Дәл сол күні полиция аң-таң ері алдында әйелдің қолына кісен салды.
Ол баланы ұрлағанын мойындады. Енді ол бес жылға дейін бас бостандығынан айырылуы мүмкін.
