Ер адам таңғы ас кезінде қақалып, тұншыға бастады. Осы кезде ер адамның жақын туыстары жедел жәрдемге қоңырау шалды. Диспетчер телефон арқылы оның өмірін құтқарып қалды, деп хабарлайды Neonomad.kz ақпарат агенттігі Sputniknews.kz сайтына сілтеме жасап.
«103» қызметінің диспетчері жазатайым оқиға орын алған 68 жастағы ер адамның туыстарына кеңес беріп, зардап шеккен адамның тыныс алу жолдарын өз бетімен босатуға көмек берді.
Медицина ведомствосының ақпараты бойынша, оқиға кеше таңертең Павлодар қаласында орын алды. 68 жастағы ер адам таңертең таңғы ас ішіп отырған кезде мазасызданып, көгеріп, тұншыға бастады.
Оқиға орнына шок бригадасын жіберді. Сонымен қатар, диспетчер «қоңырауды ұстап тұру» әдісін қолданды. Толқуына қарамастан, олар көмек көрсете алды.
Мамандар шақырудан кейін, алты минут өткен соң мекенжайға келді. Диспетчердің кеңестерінің арқасында туыстары өздігінен дем алған ер адамға көмек көрсете алды. Тексерілгеннен кейін пациент ауруханаға жатудан бас тартты, ал оның жақындары шұғыл көмек және жедел әрекет ету үшін кезек күттірмейтін қызметкерлерге алғыстарын білдірді.
«Қоңырауды ұстап қалу» әдісіне келер болсақ, Павлодар облысында ол төрт ай бойы қолданылады. Оның мәні – «жедел жәрдем» диспетчері бригада келгенге дейін алғашқы көмек көрсету бойынша ұсыныстар береді. Осының арқасында бірнеше адамның өмірін сақтап қалды. Павлодарлық медицина қызметкерлерінің тәжірибесін басқа аймақтарда қабылдауды жоспарлап отыр.
