Әлеуметтік желіде Шығыс Қазақстан облысындағы түрмеде қызметкер өз-өзіне қол жұмсақ болғаны туралы ақпарат пайда болды. Оның әйелі президентке видеоүндеу жолдады, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Әлеуметтік желіде тараған видеода әйел Таштеновтың (жұбайы) прокуратура тарапынан психологиялық қысым көрсеткенін айтады. Белгілі болғандай түрмеде жазасын өтеп жатқан сотталушы Кондратенко өзін-өзі өлтірген. Осы факті бойынша арнайы прокурор қылмыстық іс қозғаған. Әйелдің сөзінше, Таштенов психологиялық қысымға шыдамаған. Сөйтіп өз-өзіне қол жұмсамақ болған. Қазір ол комада жатыр.
«Т.Амантаевтың өзін-өзі өлтіруге әрекет жасау фактісі сотқа дейінгі тергеудің бірыңғай тізіліміне тіркелді. Мүдделі тараптардың араласуын болдырмас үшін сотқа дейінгі тергеу ісі ішкі істер органына тапсырылды. Сонымен қатар, қазіргі уақытта Бас прокуратураның ішкі тергеу департаменті ішкі тексеру жүргізіп жатыр. Тергеу нәтижелері кейінірек жарияланады, деп хабарлады ҚР Бас прокуратурасының баспасөз қызметі.
Айта кету керек, оқиға ОВ 156/2 қатаң қадағалау режиміндегі мекемесінде болған. 18 маусымда сотталушы Андрей Кондратенконың камерада асылып, көз жұмуына байланысты тергеу басталған. Осы факті бойынша қылмыстық іс қозғалып, тәртіптік жаза түрінде Талант Амантаевтың қызметі төмендеген.
