ҚР СІМ ресми өкілі Айбек Смадияров Telegram-да Түркияның қазақстандықтарды өз ұшағымен елге қайтарудан бас тартқаны туралы мәлімдеді, деп хабарлайды Neonomad.kz ақпарат агенттігі.
«24 сәуірде Turkish Airlines әуекомпаниясының ұшағымен Нұр-Сұлтан және Алматы қалаларынан Түркияның 160-тан астам азаматы өз елдеріне оралды. Біздің Анкарадағы елшілігіміз қазақстандықтарды Түркиядан осы ұшақпен қайтып әкелу мәселесін алдын ала түрік тарапымен пысықтаған болатын. Алайда, түрік тарапы отандастарымызды аталған ұшаққа отырғызудан бас тартты», – делінген хабарламада.
Смадияров ҚР Сыртқы істер министрлігі шет елдегі біздің азаматтарымыздың отанға оралуына көмек көрсетуін жалғастыратынын айтты.
