Түркістан облысы Сарыағаш қаласының тұрғыны үшемді өмірге әкелді, деп хабарлайды Neonomad.kz ақпарат агенттігі Stan.kz сайтына сілтеме жасап.
«Сарыағаштық 23 жастағы келіншек 6 баланың анасы атанды. Дербісек ауылының тұрғыны Еркінай Есенбаева тұңғышын 18 жасында босанған. Бұған дейін 1 ұл, 2 қызы бар отбасыға тағы Ақжан, Маржан, Бақжан есімді нәрестелер қосылды. Қазақтар көбейе берсін», – деп жазды журналист Төребек Төрегелдіұлы желідегі парақшасында.
Көпшілік бауы берік болсын айтып, құттықтап жатыр.
«Қандай қуаныш! Керемет! Аман, бақытты болып өссін періштелер! Шын жүрегіммен қуанып отырмын», «Қазағымның саны арта берсін!», «Сол балаларының қызығын көрсін!» деп жазды желі қолданушылары.
