Атыраудың түнгі клубтарының бірінде «Адай» күйіне жалаңаш қыздар стриптиз билеген, деп хабарлайды Neonomad.kz ақпараттық агенттігі Zakon.kz сайтына сілтеме жасап.
Клубта «Адай» күйіне жалаңаштанып билеген қыздардың видеосын куәгерлердің бірі желіге таратты.
«30-нан 31-ші тамызға қараған түні Атырау қаласында жаңадан «BLACKBERRY» (@bberrykz) түнгі жын-ойнақ клубы реконструкциядан кейiн ашылуында «Адай «күйіне жартылай жалаңаш қыздар стриптиз билеп, Қазақтың күйін ез қылып жатыр! Атыраудағы бауырлар, неге мән-жайсыз бұндай дүниелерге жол беруде? Клуб әкімшілігі, ұйымдастырушылар, диджей және қыздардан ресми кешірім сұрауын талап етеміз!!! Құрметті облыс басшылары. Ватсап желісінде осы ақпарат тарап жатыр. Анықтап шарасын алу керек деп ойлаймын. Қаншалықты рас екенін тексеру керек. Егер жағдай анықталып рас болса, мейрамxана әкімшілігі ел алдында кешірім сұрауы керек!» деп жазды бұл видеоны Facebook-ке жариялаған Шынарбек Қабиев.
Бұл видеоны көрген дүйім жұрт наразылық білдіріп, шағымданды. Жазбадан соң Атырау облысы әкімдігі мен клуб басшылығы ресми мәлімдеме жасап, көпшіліктен кешірім сұрады.
«Техникалық ақау болды. Қыздар сахнада билеуі тиіс еді. Содан музыканттар сасқалақтап «Адайды» ойнады. Әрине, бұл дұрыс емес. Ол үшін халықтан кешірім сұраймын. Диджейді жұмыстан шығардық. Енді мұндай қателікке жол бермеймін деп уәде беремін», – деді мейрамхана басшысы желіде жарияланған видеода.
