Ақтөбеде мұнайшылар «Сағыз Петролиум» компаниясымен соттасуда, деп хабарлайды Neonomad.kz ақпараттық агенттігі КТК арнасына сілтеме жасап. 

Мұнайшылардың сөзінше, алты жыл бұрын бекітілген ұжымдық келісімшарт бойынша олардың жалақыларына экологиялық ахуалға қатысты ақша төленуі керек. Алайда «Сағыз Петролиум» компаниясы жиырма пайыздық үстем ақыны төлеуге жоқ.

Ашынған жұмысшылар жиналып бір қорғаушының көмегіне жүгінген. Бірақ сот отырысына қатыса алмайды, өйткені вахталық әдіспен жұмыс істейді. Тек демалысқа шыққанда кезектесіп, процеске қатысуға келісіпті.

«Кен орны экологиялық аймақта орналасқандықтан, бізге 20 процент төленуі керек. Соны төлемей отыр. Экологиялық зардабы тиіп жатыр. Күкіртті сутегі бар, шулы жерде жұмыс істейміз», – деп шағымданды мұнайшы Аймұрат Төремұратов.

Белгілі болғандай, компанияның әрбір жұмысшыға берешегі үш миллионға жеткен.

«Сотқа шағымданған жұмысшыларға компанияның қарызы ең төмен дегенде миллионнан басталады. Үш миллион мен үш жарым миллион арасында», – дейді мұнайшы Рүстем Бақытжанов.

Мұнайшылардың талаптарына қатысты компанияның басшылар пікір білдіруге құлықсыз. Сонымен қатар, «Сағыз Петролиумның» заңгері де мәлімдеме жасаудан бас тартты.