Бал сатамыз деп үй аралаған сығандар нәтижесінде «бойыңдағы қарғысты жоямын» деп оралдықтарды тонаған, деп хабарлайды Neonomad.kz «Мой город» сайтына сілтеме жасап.
Алаяқтар тобы екі әйел мен бір ер адамнан құралған. Олардың алдауына Орал мен Зашаған ауылының тұрғындары ілігіпті. Бұл туралы қаласылық полиция Басқармасының басшысы Нұрлан Бисенов айтып берді.
«Екі әйел мен бір ер адам пәтерлерді аралап бал сататындарын айтқан. Сөйтіп үлкен кісілер мен жалғызбасты адамдарға бойындағы қарғысын шешіп беремін деп алдаған. Сөйтіп олардың басын айналдырып, алтын мен ақшаларын алып алған. Олар 23 және 35 жастағы әйел. Ал ер адам 36 жаста. Үшеуі де сыған. Олардан 20 бағалы бұйым мен 200 мың теңге қайтарылып алынды. Әйелдің бірі бұдан бұрын да сотталған. Ол Орал қаласындағы уақытша қамау изоляторына отырғызылды», – дейді Нұрлан Бисенов.
