Президент кеше студенттердің шәкіртақысы 30 пайызға өссін деп тапсырма берген болатын. Білім және ғылым министрі Асхат Аймағамбетов енді студенттердің алатын шәкіртақысын айтты, деп хабарлайды Neonomad.kz.
«Мемлекет басшысының тапсырмасы сай жұмысшы мамандығы бойынша оқып жатқан студенттердің шәкіртақысы 30 пайызға артады. Енді шәкіртақының көлемі – 21 787 теңге болады», – деді Аймағамбетов халық алдында есеп беру кезінде.
2019 жылы Қазақстанда ең төменгі күнкөріс деңгейі 29 698 теңгені құрады.
Ал ең төменгі жалақы болса 42 500 немесе 112 доллар.
Еске сала кетсек, Қасым-Жомарт Тоқаев қосымша білім гранттар бөліп, студенттердің шәкірт ақысын 30 пайызға өсіруді тапсырған болатын.
