Павлодарда жаңа туғаны баласын тастап кеткен студент қыз шешімін өзгертіп, қызымен қайта қауышты, деп хабарлайды Neonomad.kz ақпараттық агенттігі Nur.kz сайтына сілтеме жасап.

Жас қыз отбасылық жағдайларына байланысты перзентінен бас тартқан.

Бұл иуралы «Ана үйі» қоғамдық қорының координаторы Әсел Әбішева өзінің Facebookпарақшасында жазды.

Оқиға 21 желтоқсанда бастау алған.

Әбішованың сөзінше, студент қыздың үлкен апасы жағдайды біліп қоған, содан кейін ол баласын перзентханада тастап кеткен.

Дегенмен жағдай кейіннен өзгерген.

Көп уақыт өтпей студент қыз баласына қайта оралуды шешіп, Әсел Әбішеваға хабарласады. Өзінің қателік жасағанын айтып, координатордан көмек сұрайды.

«Ол менсіз түні бойы жылаған болар. Менің жүрегім ауырып жатыр. Одан бас тартқаныма қатты өкінемін. Маған көмектесіңізші, өтінемін!», – делінген студент қыздың хатында.

Әсел жас анаға көмектесіп қана қоймай, олардың орталықта тұруына жағдай жасаған.

«Қазір ол өзінің сәбиімен бірге. Тағы біраз ауруханада жата тұруы керек. Бас тарту туралы өтінішті жыртып тастадық», – деді ол.