10 шілде күні Нұр-Сұлтанда Назарбаев орталығының алдына адамдар жиналды. Олар сот актілеріне шағымдануда. Сонымен қатар, жоғалып кеткен белсенді Санавар Закироваға қатысты ақпарат талап етті, деп хабарлайды Neonomad.kz Informburo.kz сайтына сілтеме жасап.
Таңғы сағат 10.00 кезінде ҚР Тұңғыш Президенті Нұрсұлтан Назарбаевтың кеңсесіне өз өтініштерін тапсыру үшін адамдар жиналды. Олардың пікірінше, заңсыз қабылданған сот шешімдері бар, соларды қайта қарау бойынша комиссия құруды керек.
«Біздің барлығымызда Қазақстан Республикасының атымен шығарылған сот шешімдері бар. Мына адамдар ұлдарын өлтіргендерді таба алмай жүр. Мен 17 жылдан бері «Павлодар энергосбыт» ЖШС-мен проблемамды шеше алмай жүрмін. Үш жыл болды жарықсыз отырғаныма, бірақ менін өтеліп жатқан сомма аз емес. Моральдық зиянға арыз жазсам, оны қабылдамайды, шағымдарым прокуратураға жіберіледі. Құжаттарым бір сөмке болды», – дейді павлодардан келген Сәуле Аренова.
Ал зейнеткер Владимир Тарасов болса ұлының өліміне қатысты тергеудің әділ жүргізілуін талап етуде. Оның ұлы Григорий Тарасов – кәсіпкер. 2013 жылы ШҚО қайтыс болған. Бірақ қылмыс құрамның жоқтығына байланысты қылмыстық іс тоқтатылған. Тергеудің мәліметінше, бизнесменнің өліміне моншадағы қазандықтың жарылу себеп болған. Ал Владимир Тарасов болса басқаша пікірде: ұлын біреулер өлтіріп, қылмысты жасыру үшін моншаны өртеп жіберген.
Бірер уақыттан соң жиналғандардың арызын қабылдап алу үшін Тұңғыш Президенті кеңсесінің қызмкеткерлері шықты. Ал жиналғандар болса өз арыздарында ҚР Жоғарғы сотының төрағасы Жақып Асановтың қызметінен кетуін талап етуде.
Кейін белгілі болғандай, ҚР Тұңғыш Президентіне жазылған үндеуге 70 адам қол қойған, бірақ ғимараттың алдына жиналғандардың саны 20 адамнан аспады.
Жиналғандарды мазалаған тағы бір сұрақ болды. Осы акцияны ұйымдастырған белсенді Назарбаев орталығына барар жолда ұсталып, кейін жоғалып кеткен Санавар Закированың тағыдырына алаңдаушылық білдірді. Әйелдің телефоны сол кезден-ақ сөндірулі. Нұр-Сұлтан полциция департаменті басшысының орынбасары Сабыр Жүсіпбековтің ақпаратынша, Санаварды ешкім ұстамаған, және оны табуға көмектесетінін айтты.
«Біздің білуімізше, Санаварды ДВК белсендісі деп жауапқа тартпақшы. Өйткені ол білместіктен ДВК өкіліне сұқбат беріп қойған. Және сол адам интервьюді барлық жерге жариялаған», – дейді жиналғандардың бірі Райхан Ансариева.
Оның сөзінше, саясатқа ешқандай қатыстары жоқ, олар тек өз мүдделерін қорғау үшін келген.
