Шымкент билігі жаңа жылға қарсы қаланы безендіруге 29 млн теңге бөліпті, деп хабарлайды Neonomad.kz ақпараттық агенттігі Otyrar.kz сайтына сілтеме жасап. 

Биыл қалаға екі бас шырша орнатылды. Бірі «Нұрсәт» шағынауданында болса, екіншісі Әл Фараби алаңында. Жалпы, биыл жаңа жылдық қала безендіруіне 29 млн. теңге бөлінген.

Оның 14 млн. теңгесіне Әл Фараби алаңына орнатылған шырша сатып алынған. Оның ұзындығы — 14 метр. Жауаптылардың сөзінше Шымкентті жаңа жылдық күйге енгізу үшін 2018 жылдан қалған безендірулер де қолданылыпты.

«Қалаға 2 негізгі шырша, 100-ден аса сәулеттік нысандар жарықпен безендірілген, 100-ден аса кранаштейндер мен тартпалар орнатылады. Қаланы жарықпен безендіру жұмыстары да осымен бірге жүргізіледі. Қазіргі таңда металл аркаларды жарықтандыру, қаланы безендіру жұмыстары жұргізілуде», – дейді Ерубай Құралбаев, Шымкент қаласы әкімдігінің абаттандыру секторының меңгерушісі.

Безендіру жұмыстары қаламызда толықтай аяқталмаған. 16 жетоқсаннан кейін басталған жұмыстар желтоқсанның 25-не дейін жалғасады.