Шымкенттегі жол қиылысында полиция қызметкерін көлікпен қағып кетті. Жүргізуші қамауға алынды, сотқа дейінгі тергеу басталды, деп хабарлайды Neonomad.kz ақпарат агенттігі Stan.kz сайтына сілтеме жасап.
18 сәуірде джип жүргізушісі Бәйдібек би мен Төлеметева көшелерінің қиылысында тұрған полиция қызметкерін қағып кетті.
Зардап шеккен полицейдің жағдайы орташа ауырлықта. Күдікті ұсталды. Сотқа дейінгі тергеу Қылмыстық кодекстің 380-бабы 3-бөлігінің 9-тармағы (Төтенше жағдай жарияланған жерде мемлекеттік қызметшіге қатысты күш қолдану) бойынша қозғалды.
Кінәлі жеті жылдан он екі жылға дейін бас бостандығынан айырылуы мүмкін. Күдікті уақытша ұстау абақтысына қамалды. Көлік тұраққа жіберілді.
